Mos më ler Vetëm

Syte me ty më çelen, më zgjohen ndjesitë,
Me ty të lehta më bëhen vështirësitë,
Sa ta kujtoj emrin, shpalosen bukuritë.

Më lind në zemër, me mall mos më përvëlo!
Për dashurinë e Zotit, të vetëm robin mos e Isho!

Unë-një shërbëtor në derën tënde, Ti je Mbret,
Të mbeturit në rrugë i ke nga i Drejti amanet,
Në jam unë një kufomë, Ti je aty shpirti i vërtetë!

Më lind në zemër, me mall mos më përvëlo!
Për dashurinë e Mikut, të vetëm robin mos e Isho!

Ashikët të kërkojnë Ty pa pushim,
Sherbeti i buzëve të tua për çdo hall shërim,
Në jam unë një i mjerë, ku është shpëtimi im?

Më lind në zemër, me mall mos më përvëlo!
Për dashurinë e Zotit, të vetëm robin mos e Isho

Fytyrënxirë jam, n'mëkate e trishtim,
Dhe bjer e ngrihu, s'më mbeti më mundim,
S'e di, më tej, ç'do të bëhet halli im?

Më lind në zemër, me mall mos më përvëlo!
Për dashurinë e Zotit, të vetëm robin mos e Isho!

Një kohë të gjitha stinët ishin verë e nxehtë;
Kam frikë, ato ditë mbaruan për jetë!
Mëshirë! Rrugët e mia u varën tatëpjetë!

Më lind në zemër, me mall mos më përvëlo!
Për dashurinë e Mikut, të vetëm robin mos e Isho!

Pin It
  • Krijuar në .
Copyright © 2020 Faqja e internetit të Fethullah Gylenit . Tutti i diritti riservati.
fgulen.com, është faqja zyrtare e mendimtarit Fethullah Gylen.