Gülən Hərəkatı Vaşinqton-da Müzakirə Ediləcək
Konfrans 13 Noyabr tarixində “Corctaun Universiteti”ndə təşkil olunan açılış yeməyi ilə başlayacaq. Dünyanın müxtəlif ölkələrindən konfransa dəvətli olan qırx alimlə yanaşı, Amerikanın mötəbər müəssisələrindən tanınmış fikir adamları, Amerika Konqressinin nümayəndələri və bir çox ölkənin səfirlik nümayəndələrinin iştirak etməsi gözlənilir.
Mərkəzi Vaşinqtonda yerləşən “Rumi Forum”, “Corctaun Universiteti” Rektorluq Ofisi və “Corctaun Universiteti” Müsəlman-Xristian Qarşılıqlı Anlayış Mərkəzi (CMCU) tərəfindən ortaq təşkil olunan konfransın açılışını Dr. Tomas Mişel və Dr. Con Esposito edəcək. “Corctaun Universiteti” Rektoru Dr. Con DiGioianın himayədarlığı ilə həyata keçiriləcək konfransa elə indidən çox yüksək maraq olduğunu ifadə edən konfransın koordinatoru Dr. Əli Yurtsever konfransın xalqa açıq və ödənişsiz olduğunu ifadə edərək, iştirak etmək istəyənlərin www.gulenconference.us saytından qeydiyyatdan keçə biləcəklərini dedi.
Konfransda müzakirə olunacaq mövzuların bəziləri isə bunlardır:
- Qlobal Bir Problemlə Mübarizə: Yoxsulluq
- Dialoq: Birlikdə Yaşama Sənəti
- Qloballaşma: Fürsətlər və Problemlər
- Sülhün Təhsillə Təmini
- Qadın Haqqlarına Bir Nəzər
- İslami Ənənənin Yenidən Şərhi
- Şiddətin Həll Yolları: Dialoq və Sonrası
- Ruhanilik və Sufizm
- Din və Dövlət
- Nümunələri ilə Gülən Hərəkatının Alternativ Perspektivləri
- tarixində yaradılmışdır.