Жалын жүрек

Оттан жаралған жүрекпіз,
Бөгелме зиянсыз алауға!
Өрт боп шоқтанды өзгеріп,
Бізге келгендер қарауға.

Беттер сарғайды безбүйрек,
Қарай алмайды тік келіп.
Жаулар жасыды жер болып,
Басын иді олар бүктеліп.

Рухы адасқан кірленіп,
Жандарды жаныштар азаппыз.
Жарқыл қағатын жасындай,
Көкте көшетін азатпыз.

Азғын басына төнетін,
Сертке сендірер жазамыз.
Досқа алғыспыз ақ жарма,
Жауға қарғыстай назамыз.

Аққан шымырлап өзендей,
Сылдыры баяғы... тынбайды.
Тулар тоғысса жан-жақтан,
«Ай мен жұлдызды» тыңдайды.

Жауды топандай тоғытып,
Түнді түртетін араймыз.
Сұрап көріңдер тарихтан,
Болдық сірә да қалай біз?!

Қазір бәсеңдеп рухымыз,
Демін тартады ішіне.
Білем, бір күні тұтанып,
Оттар басады күшіне.

Түрікшеден аударғандар, Мәлік ОТАРБАЕВ, Дәулетбек БАЙТҰРСЫНҰЛЫ

Pin It
  • жасалған.
© 2021 Фетхуллаһ Гүленнің веб сайты. Барлық құқықтары қорғалған.
fgulen.com белгілі түрік ойшылы Фетхуллаһ Гүленнің ресми интернет сайты болып табылады.