Отты шеңбер

Күнім, түнім жылжыған отты шеңбер,
Сыздатады жүректі көп кісендер.
Сүйіктінің қиялы тілімде тұр,
Елес беріп түн бойы өтті шөлдер...

Жан түбінде зыңылдап қоштасар ән,
Көңіл күмбез сілкінер досқа салған.
Сағыныштың естіліп үні алыстан –
Қамшылайды рухымды.
Өшпес арман...

Қуаң тартты көктемім күзге айналды,
Қауышу сәт ғапыл боп, көз байланды.
Айдай жүзін жасырды бүркенішпен,
Қайтіп қана пердені қозғайды арлы?...
Жасымды мен, жер беті қан жылайды,
Сартап болды, қабақта қалды қайғы,
Көктем көшті,
Күз келді,
Рухым дел-сал,
Гүлдер салып,
Түн түнек,
Қар құлайды...

Түрікшеден аударғандар, Мәлік ОТАРБАЕВ, Дәулетбек БАЙТҰРСЫНҰЛЫ

Pin It
  • жасалған.
© 2024 Фетхуллаһ Гүленнің веб сайты. Барлық құқықтары қорғалған.
fgulen.com белгілі түрік ойшылы Фетхуллаһ Гүленнің ресми интернет сайты болып табылады.