اتفاق کے بارے میں سوچ

ہر شخص صلح نہیں چاہتا بلکہ یہ چاہتا ہے کہ دوسرے لوگ اُس کے نقطئہ نظر کی اطاعت کریں ۔حالانکہ اللہ (جلِّ جلا لہ‘) فرماتا ہے:”سب مل کر صلح کر لو“۔

* * * * *

آﺅ‘ اگر ہم آپس میں اتفاق نہیں کر سکتے تو کم از کم اختلافات میں تو نہ پڑیں ‘ یا ہمارے درمیان پیداشدہ مسائل کے بارے میں موجود اختلافات کو مزید تو نہ بڑھائیں ۔

* * * * *

جماعت پر اللہ تعالیٰ کی ایک خاص عنایت تو یہ ہے کہ اپنی انتہائی کوشش کے باوجود کوئی شخص اُس پر اپنا قبضہ نہیں جما سکتا۔